اجمل رباعيات صلاح جاهين رائعة,
رباعيات صلاح جاهين,
صلاح جاهين,
رباعيات,

اجمل رباعيات صلاح جاهين رائعة

“لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره
عجبي!”


“قتلوه من التعذيب وقالوا انتحر..
فكرت لحظة وقلت: آه يا غجر!..
لو جنسكم سبناه يعيش في الحياة..
اللي انتحر راح يبقى جنس البشر!”


“دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!”

“إنسان .. أيا انسان ما أجهلك
ما أتفهك فى الكون وما أضألك
شمس وقمر وسدوم وملايين نجوم
وفاكرها يا موهوم مخلوقة لك؟
عجبى”


“عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق

!!!عجبي ”


“أنا مش تبع مخلوق يا سيدنا البيه
أنا حُر في إللي يقول ضميري عليه
وإن كنت تُحكم جوا ملكوتك
الشارع الواسع فاتح لي إيديه”


“أعرف عيون هي الجمال والحسن
وأعرف عيون تاخد القلوب بالحضن
وعيون مخيفة وقاسية، وعيون كتير
وبنحس فيهم كلهم بالحزن
عجبي”


“سهير ليالي و ياما لفيت وطفت
وف ليله راجع في الضلام قمت شفت
الخوف … كأنه كلب سد الطريق
وكنت عاوز أقتله .. بس خفت
عجبي !!”


“عبثا باقول واقرا في سورة عبس / ماتلومش حد إن ابتسم أو عبس / فيه ناس تقول الهزل يطلع جــــد / و ناس تقول الجد يطلع عبـــــث”


“ليل بعد ليل .. و نجم ورا نجم اتحدف ..
و انا باغني ... لكن لوحدي للأسف ..
لحني الجميل مش لاقي إنسان يسمعه
يا ريته ما اتغنى .. يا ريته ما اتعزف”


“غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!”


“فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين .. يا جدع
قال من بعيد و لسه رايح بعيد
عجبي!!!”


“زحام و أبواق سيارات مزعجـــــة
للي يطول له رصيف.. يبقي نجـــا
لو كنت جنبي يا حبيبي أنــــــــــــا
مش كنت أشوف إن الحياة مبهجة
عجبي!!

إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقـــــترب
عجبي !!

يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!

مرحب ربيع مرحب ربيع مرحبــــــــــه
يا طفل يا للي ف دمي ناغا وحبــــــــا
علشان عيونك يا صغنن هويــــــــــــت
حتي ديدان الأرض و الأغربــــــــــــــة
عجبي !!!

فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي !!!!

غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!”


“أنا شاب - ولكن عمري و لا ألف عام
وحيد - ولكن بين ضلوعي زحام
خايف - و لكن خوفي مني أنا
أخرس - و لكن قلبي مليان كلام
عجبي!!”


“النوم قيود والجسم مغلول بها..
غلّاب غلب ع العين يا غلبها..
فيه ناس بتشكي قلة النوم ، وأنا..
بأشكي الدقايق اللي بأغفل بها!”


“يا عندليب ماتخــافش من غنوتك
قول شكوتك واحكى على بلوتك
الغنوة مش ح تموتك إنما
كتم الغنا هو اللى ح يموتك
عجبى!”


“هات يازمان وهات كمان يازمان
غير البسمة الشجعان مامني يبان
هو اللي داق الفرحة يوم ثورته
يقدر يعود ولاثانية للاحزان
وعجبي!!”


“من بين شقوق الشيش وشقشقت لك
مع شهقة العصافير وزقزقت لك
نهار جديد أنا ... قوم نشوف نعمل ايه
أنا قلت .. يا هتقتلنى يا هقتلك”


“ياللي بتبحث عن إله تعـبده
بحث الغريق عن أي شيء ينجده
الله جميل وعليم ورحمن رحــيم
أحمل صفاته .. وانت راح توجده
عجبي

يأسك و صبرك بین إيديك و انت حر
تیأس ما تیأس الحیاه راح تمر
أنا دقت مندا ومندا عجبي لقیت
الصبر مر و برضك الیأس مر
عجبي


أنا قلبي كان شخشيخة أصبح جَرس ....
جلجلت به صحيوا الخدم والحرس...
أنا المهرج .. قمتو ليه خفتو ليه
لا فْ إيدي سيف ولا تحت منى فرس
عجبي !!

سمعت نقطة ميه جوه المحيــط.
بتقول لنقطه ما تنزليش في الغويط.
أخاف عليكي م الغرق .. قلـــــت أنا
ده اللي يخاف م الوعد يبقي عبيط.
عجبي !”


“«كرباج سعادة وقلبه منى انجلد..
رَمَح كإنه حصان لف البلد.
. ورجع لى آخر الليل وقالى ليه.
.خجلان تقول إنك سعيد يا ولد”


“مع ان كل الخلق من اصل طين
وكلهم بينزلوا مغمضين
بعد الدقايق والشهور والسنين
تلاقي ناس اشرار وناس طيبين”
― صلاح جاهين, رباعيات صلاح جاهين


“أنا اللي بالأمر المحال اغتـوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوى”


“اقلع غماك يا تور و ارفض تلف
اكسر تروس الساقية و اشتم و تف
قال: بس خطوة كمان .. و خطوة كمان
يا اوصل نهاية السكة .. يا البير تجف
و عجبى”


“خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟”


“يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!”


“حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟”


“يا حزين يا قـُـمـقـُم تحت بحر الضياع
حزين أنا زيـَّك و إيه مستطاع ؟!
الحزن ما بقالهوش جلال يا جدع !
الحزن زي البرد ... زي الصداع
عجبي !!!!”



“ياللي انت بيتك من قش ومفروش بريش
يقوى عليه الريح يصبح مفيش
عجبي عليك حواليك مخالب كبار
ومالكش غير منقار وقادر تعيش”


“أحسـن مـا فيهـا العشـق والمعشـقة وشـويتين الضـحــك والتـريقـة”


“إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقـــــترب
عجبي !!”

اجمل رباعيات صلاح جاهين رائعة



شـــاهـــد ايـضـــا:

كلمات وأقوال وحكم رائعة عن الحياة ..للأديبة شارلوت برونتي

اجمل رباعيات صلاح جاهين رائعة

حكم و أمثال جميلة, حكم واقوال لنتعلم من ثقافات الشعوب المفيدة

لصمتك 7 فوائد !!!

حكمه اعجبتنى...!!!!

مقتطفه رائعه$$$

3 حكم وامثال ستعجبكم ان شاء الله

حكم وامثال واحلا كلام ???

حكمه

حكمه اليوم...وكل يوم...

حكمه جديده ستعجبكم ان شاء الله عز وجل

تــعــلــمــت الــعــشــق....

حكم وامثال واحلا كلام ...

حكم اكثر من رائعه مواعظ مفيده واحلا كلام ممكن تقرءه وتستفاد منه امثال عن الدنيا وما فيها

اخر ما قيل من حكم تسر قارئها وتبهره بمعانيها