كلمات اغاني البوم الخطايا عشر عبد المجيد عبد الله 2013




كلمات اغاني البوم الخطايا عشر عبد المجيد عبد الله 2013

- قنوع

كلمات / معتزه
الحان / سهم
توزيع / توما


ما ابي شي انا جدا قنوع
ما ابي الا انت وكلك لو سمحت
ما ابي اموال وترف ما ابي اغلى الجواهر
ما قصور وتحف ولا تحكمني مظاهر
وش تبي ؟
ما ابي شي انا جد قنوع
ما ابي الا انت وكلك لو سمحت ..

***

انت عندي اغلى من كل ماس
انت اجمل مصير و غيرك ما ابي
كلك احساس وشعور وانت بالحب صادق
ممتلي شوق بزمن ما صدق كل عاشق

***

يشهد الله انك اسعدتني
جيت واحيتني وصار قلبي بخير
انسى انساك وخلاص ولا يمكن احاول
انا لا عمري خلص يمكن تقدر تجادل

فيك بكا

كلمات : محمد بن عبدالرحمن
الحان : صالح الشهري
توزيع : طارق عاكف


فيك بكا ولا ابكيك
اسمعك قصتي واحكيك
اذكرك بآخر جروحي
ولا على الاحزان مافيك

***

علمني الصبر كيف ابكي
ياليت علمني كيف احكي
وانا الي عمري ما عرفت اشكي
حاضر جروحي على ماضيك

***

اشرح لك الي صار في غيابك
و الا انسى وش صار باسباك
مدام ربي ردك وجابك
يا عل هالعين ما تبكيك

اشياء تسوى


كلمات : احمد الصانع
الحان : سهم
توزيع : عصام الشرايطي


ما ابي كذبك تمنيتك صريح
لا تقول اقوى اذا ما كنت تقوى

لو جبرك الوقت من عيني تطيح
طيح من عيني على اشياء تسوى

***

من عرفتك وانا ماني مستريح
حالتي وياك بلوى في بلوى

كانت الهقوى اشوفك هب ريح
للاسف ما باقي بالقلب هقوى

***

ما ابي منك بعد ذمك مديح
الكلام احيان ما منه جدوى

روح عني حتى لو قلبي جريح
صفحتك ماضي ولا بد تطوى

***

في المحبه ما يصح الا الصحيح
اما تهوى صح و إلا لا تهوى

لو جبرك الوضع من عيني تطيح
طيح من عيني على شي يسوى

الخطايا عشر

كلمات : ساري
الحان : احمد الهرمي
توزيع : وليد فايد


الخطايا عشر اولها الفتن
والتعالي والتكبر والغرور
والتجافي والتجبر والغبن
والقسا والكذب وفقدان الشعور

المنازل ماهي دور تنسكن
كل ما ضاقت بالانفاس الصدور
وين انا يالي على قلبي تمن
كل ما حسيت بك تهدى الامور

***

كل ما تطري على بالي اون
لا انا قادر ولا حتى معذور
ما هداك الله على قلبي تحن
وما طارى لك يا بعد عمري تزور

ابتليت بقلب اهاته حزن
انا اعاني وانت في ظلمك تجور
ما هدت نفسي ولا بالي سكن
تعبت عيوني وانا قلبي صبور

***

ما هقيت وما هقيت وما اظن
تترك الدنيا على راسي تدور
بعد ما دق الضما عود الغصن
وضاع لونه وانخطف لون الزهور

اتصبر والصبر ماله ثمن
بس ما مثل اصطناعي للسرور
ابتسم يا قلب واضحك للزمن
خلها بيني وما بين السطور

قمره

كلمات : بدر بن عبدالمحسن
الحان : سهم
توزيع : حسن الشافعي


انتي مثل قمرا على صفحة الما
لك صورة عندي وهي بالسما فوق
اتصافحك عيني وانا كفي اعمى
مالي جِدا الا مصافح الموق للموق

***
ياما شربتك شوف من خوف لاضما
وياما الوله للوصل يبس بي عروق
ياليتني بدلت نورك بظلما
واخترت لي غيرك من الناس معشوق

***

اقول احبك يا عذابي او اكما
لا حاصل قربك ولا نافع شوق
انتي مثل قمرا على صفحة الما
لك صورة عندي وهي بالسما فوق

تحياتي

كلمات : تركي
الحان : طارق محمد
توزيع : عصام الشرايطي


تحياتي لمن دمر حياتي
وانا فيني نبض اعلن وفاتي
لمتجاهل شعوري
الي يحس بالدنيا وانا ماني ضروري
وهو محور تفاصيلي وذاتي

***

عساك بخير عسى عيونك تنام الليل
ضميرك مستريح وما تعاني ضير
ولا ندمان ولا اسف على الي كان
ولا همك سواك انت ابد انسان

***

يا لاغيني تماما من جغرافية قلبك
يا حارمني تماما من حبك وانا احبك
يا ظالمني تماما يا مسترخص دموعي
وما سالت لاحد قبلك ومو فاهم خضوعي
وانا لولا الغلا ندك !

ليه تطلب

كلمات : سعود بن عبدالله
الحان : سهم
توزيع : خالد عز


ليه تطلب وانا دايم ارد بتفضل
كن لا حالفه ما تقال لك بأي شي
ليتك ترد لي بالله من قبل ما اسأل
كيف سخر لك الله ميت فيك حي

***

تكفى وقف وقلي يا حبيبي من اجمل
انت ولا خفوقي صافحك في يدي
اطلب امر تدلل شقق البعد ازعل
في حنايا المحبه والخفوق الندي

***

امس جيت وسألتك قبل ترحل وانا ارحل
عن وعدنا ورى ما قلت باكر يجي
ودني لك يا اخر من عرفت و يالاول
او تعال بمكاني بالمحبه شوي

غيروه

كلمات : تركي
الحان : سهم
توزيع : عصام الشرايطي


غيروه
غروه هاجر مملكة حبي وغير ملتي
خلوه
اصبح شخص ثاني شي ثاني
ما اعرفه اعموه

خانني عيني بعينو
وقع اعدامي بيدنو
الملاك الي عشقتو صار شيطان
سبحان من خلى الزلال العذب بركان

***

يا سيد الاشواق امنع عني الاشواق
دخيل الله في وجه الله حبيبي شن حرب فراق
قطع وصلو ولا بيعود
نكر كل ما جرى بجحود
وما همو يمكن عمرو ما همو
قسى او هم علي قسوه

وحيد

كلمات : العاليه
الحان : سهم
توزيع : عصام الشرايطي


وحيد وحوله احبابه يحس انه وحيد
يكابر كل ما صابه يظن انه يفيد

لو المصباح في ايده يلبي ما بغى سيده
طلب يرجعله الغايب وغيره ما يريد

وحيد وموعده سري ولا حي درى
اكيد منهو الي يدري ما دام انه سرى

يقابل طيف معشوقه ويحكي له على شوقه
ويحضن طيفه الغالي ويشكي ما جرى

***

وحيد و يحتري باكر يبي يخف الالم
وغيره يبني لباكر وهو به ما حلم

كثير الي حكى ولامه يقول العمر قدامه
صحيح الناس لولامه قليل الي فهم

وحيد ماودى يتناسى ولو يبغى نسى
عنيد من قسوة حياته على نفسه قسى

عسى الله يلطف بحالة يزين الكون يصفاله
مثل ما حطم اماله ينسية الاسى

لكل بدايه نهايه

كلمات : تركي
الحان : طارق محمد
توزيع : عصام الشرايطي


لكل نهاية بداية
من متى ماني حبيبك من متى ماني حبيبك
من متى وانت الي توك تحمد الله اني نصيبك


***

من متى لك حد ثاني
من متى لك حلم ثاني
جا وانا في غفلتي احتل في قلبك مكاني
لا تباطا حوبة المغبون توصل في ثواني

***

وين ما تحيا بدوني
وما يجي دونك ودوني
غير موتك قلت لي ورديت قبلك يدفوني
كيف عايش كن ماقد عشت يا خيبة ضنوني

ياقلب بشويش

كلمات : محمد بن عبدالرحمن
الحان : ماجد الهندس
توزيع : حسام كامل


يا قلب بشويش على العين
ما عاد اشوف انا قدامي
كل ما طرى علي الزين
ما عاد انا تشيلني اقدامي

***

راح مدري على وين
يا قلب ما همك الامي
والله لو في السما بدرين
ما نورت غيره ايامي

***

موعود من عقب طول سنين
وانا على موعده ضامي
بشويش بشويش علي يا زين
ما تكمل بغيرك احلامي

***

والله لو في الحشا قلبين
ما تكفي شوقي وغرامي
ودي اضمه بالرمشين
و اهديه باقي اعوامي

كلي اسف

كلمات : العاليه
الحان : سهم
توزيع : عصام الشرايطي


انا كلي اسف للي بدر مني من الفاظي
قسيت برده افعالي وزودت العيار شوي

انا ما جيت اعتب بالملام وافتح الماضي
مفاتيح العفو عندك عسى به من نصيبي شي

خذتني عزتي باثمي وعينت الزعل قاضي
حكم لي بالجفا عنك وانا قلبي صرخ لي عي

تحسب اني قدرت انسى ترى كله حكي فاضي
انا مقفي وفي نفسي اقول الله يرده لي

***

انا قاعد على بابك الين تقول لي راضي
تبيها عام او ليله تدلل ما ورانا شي

ابقعد لين تنصفني وتغفر ذنبي الماضي
افضل اخسر الدنيا ولا اخسرك لو شوي

حبيبي لا تعنيني مريض وبانت اعراضي
تعبت من الشعور الي لاني ميت ولاني حي

متى ترجع سعادتنا وترجع شمسنا تاضي
كريم انت وانا استهال واكيد انك بتغفرلي

فزت الاشواق

كلمات : ساري
الحان : احمد الهرمي
توزيع : وليد فايد


فزت الاشواق واحتار الكلام
وابتدى يوم من العمر محسوب
دقت الساعه وله شوق وغرام
ساعتي اثنى عشر بعد الغروب

ابتدت تركض ثوانيها حرام
كل شمعه من بعد شمعه تذوب
القمر نوره فضح ستر الظلام
ما ترك له من بقايا الليل ثوب

***

هز غصن الشوق ويطير الحمام
طيرك الي يعجبك فوق الهبوب
كثر اسباب العتب وانسى الخصام
الهوى مافيه غالب ومغلوب

ولا احد اصلا يحب الانهزام
لا ولا واحد على الحب مغصوب
لو يراعي فارق الوقت المقام
ما تراعي فارق الوقت الدروب

***

خلي عيني لو ربع ساعه تنام
وشدني مثل الشفق يم الغروب
لو نسيتك قل على الدنيا السلام
وانت لا تنسى مواعيد القلوب

الله من الشوق في وادي الهيام
الله من الصدق يالفجر الكذوب
عيد الاضحى لو صدف عيد الصيام
ما حد يقدر على الثاني يتوب


اصعب طلب

كلمات : العاليه
الحان : سهم
توزيع : عصام الشرايطي


اصعب طلب اصدق واكذب عيوني
ياما حكيت وقلت لك لا تخسر ضنوني

خليتني وابكيتني واقفيت من دوني
انت وجروحك والالم ما عاد تعنوني

تعبت اقول ارجوك واطرك طراره
احكي عن القاسين واقصدك يا جاره

ومن خلى داره اكيد يقل مقداره
واصبحت عندي من الي ما يهموني

***

ربي كتب وارتحت لك واصبحت محبوبي
لكن كشف لي لعبتك وتغير اسلوبي

دام الخطا كثر العطا والصبر ايوبي
يالله عسى كل ما مضى تكفير لذنوبي

قلت الخطا مسموح خليتها عاده
جفت عيوني منك وابتلت وساده

وانت تهنى ونوم الظالم عباده
من لامني لا قلت ما ابيك في كوني

احبس العبرات

كلمات : تركي
الحان : طارق محمد
توزيع : طارق عاكف


احبس العبرات يغرق داخلي
ليتني اغرق ويغرق بي غلاك

في ضميرك لي حكي ما قلت لي
وفي ضميري لك حكي قلته وراك

كل ليله عشتها منت معي
غيرتني والعمر يمضي بلاك

صرت اخاف بيوم صدفه نلتقي
مانميز بعضنا والموت ذاك

***

ليه حبيتك وانا ادري منت لي
كنه بأمري وكنه بهواك

مر حبك من صميمي شلني
صدني عن دنيتي ومنك خذاك

عزتي لك عزتي لا شك لي
عزتي لاحساس جاني يوم جاك

اخرك مدري لكن اخري
يا حبيبي حلم يجمعني معاك

اصابعك تفرق

كلمات : فيصل بن خالد
الحان : سهم
توزيع : سيروس


اصابعك تفرق ماني مثل غيري
كلن له احساس وكلن له ظروف
جيتك وانا احسك هواي ومصيري
شايل في صدري قلب صادق وملهوف

يا شمس باكر يا ضماي وغديري
البعد كذب وقربك اصدق من الشوف
من اولي واضح مع لين اخيري
وانا معك بالذات باين ومكشوف


***

تدري على قدومك انا شفت خيري
كمل جميلك فيني سوي معروف
عطني قليل وهاك مني كثيري
يكفيك حيره ضيع احلامك الخوف

الي وصف شوكي تناسى عبيري
والشمس تبقى شمس ما ظرها كسوف
ما همني فيهم مريح ضميري
صدقني احنا لبعضنا بكرا بتشوف



شـــاهـــد ايـضـــا:

كلمات اغنية خانات الذكريات اصالة - اجمل اغنية رومانسية

كلمات أغنية غيري رنا سماحة كلمات رومانسة حزينة

كلمات اغنية يا مرايتي إليسا + فيديو اغنية يا مرايتي إليسا, اغنية رومانسية حزينة

كلمات اغنية نسيتها فضل شاكر 2017, كليب اغنية نسيتها فضل شاكر رومانسية رائعة

كلمات اغنية وعهد الله بموت فيكي فضل شاكر كاملة, فيديو وعهد الله بموت فيكي فضل شاكر

كلمات اغنية فـي عيـونـك إليسا, فيديو اغنية فـي عيـونـك إليسا, فـي عيـونـك رومانسية رائعة

كلمات اغنية بشرة خير حسين الجسمي - كليب بشرة خير النسخة الأصلية

كلمات اغنية انغام - اجمل مكان 2017 رومانسية رائعة

كلمات اغنية انا وانت لبعض لدنيا سمير غانم روعة 2017

كلمات اغنية بكلمتين البوم رامي جمال الجديد فترة مش سهلة 2017

كلمات اغنية واحشين بعض البوم رامي جمال الجديد فترة مش سهلة 2017

كلمات اغنية عقده الذنب رامي جمال الجديد فترة مش سهلة 2017

كلمات اغنية ماتعلمناش البوم رامي جمال الجديد فترة مش سهلة 2017

كلمات اغنية سهرنالك عيوني البوم رامي جمال الجديد فترة مش سهلة 2017

كلمات أغنية اتركني بحالي اياد طنوس

كلمات أغنية ويلك جوزيف عطيه

كلمات أغنية سيرك الايام - فوزى عبده

كلمات أغنية هتعرف لـ سامو زين جميلة جدا كاملة وصحيحة

كلمات وكليب وليد توفيق-عيون بهيه

كلمات أغنية الوقت بيسرقنا لـ دنيا سمير غانم

كلمات اغنية نجاه الصغيرة أسألك الرحيل

كلمات اغنية صلاح البحر نزلت دمعتي

كلمات اغنية جت سليمة, رامي جمال جميلة رائعة جدا

كلمات اغنية عمال ييجي عليا, رامي جمال جميلة وكاملة

كلمات اغنية فترة مش سهلة البوم رامي جمال الجديد فترة مش سهلة

كلمات اغنية علي الحجار إزاي تكون انتَ .. من فيلم إسكندرية نيويورك

كلمات اغنية علي الحجار لما الشتا يدق البيبان

كلمات اغنيه ياقلبى لاا- للفنان هانى شاكر -اغنيه حزينه ومؤثره جداا توجع القلب

اغنية بكره تعرف ياحبيبى

فات الميعاد