كلمات أغنية احمد مكى قطر الحياة من البوم أصله عربى

كلمات أغنية احمد مكى قطر الحياة من البوم أصله عربى


كلمات اغنية قطر الحياة للفنان الرائع احمد مكى ahmed mekky atr el hayah هى من البومه الجديد "اصله عربى" 2012 وقد اقترب مشاهدى هذه الاغنية على اليوتيوب من المليون فى خلال يومين من طرحها
واغنية قطر الحياة هى اغنية راب رائعة ضد تناول المخدرات وللتحذير من مخاطره
وتم عمل كليب الاغنية من خلال مشهد تمثيلى من اخراج احمد الجندى شارك بالتمثيل احمد حلاوة وحنان يوسف ومحمد سلام
اغنية قطر الندى كلمات احمد مكى نفه قام بالتوزيع شادى السعيد والكلمات هى

في كل لفة عقرب ساعه .. عمري بيتسرسب يعدي
الناس والدنيا بتتغير حتي الحديد بيصدي

وانا الوحيد واقف مكاني ثابت
في ناس اختارت سكة صابت ناس تانية اختارت سكه خابت

احساس قاسي وصعب لما الناس تشوفك فاشل
ابوك وامك واخوك واصحابك شايفينك عاطل

قوم يابني اسعي وحاول .. والله غلبت احاول
ياما حاولت وقبل الجون مايجي يطلع فاول

معنديش مهارة او حتي كوسه وحستي حوسه
ودوست بعد اخر البنزين بدوسة

في كل مقابلة شغلانة يتقالي لف نفسك
بشهادتك مدد بجنب اي حيط وخدلك بوسه

رجعت فلاش باك حسبت سنين عمري 30 سنه لقيت
حسبت تاني وتالت واتخضيت

ببص في المرايه كام شعرايه بيضا لقيت
وابويا هوا اللي لسه بيصرف ع البيت

بتعامل من عيلتي علي اني عاله
وحالتي حاله ثقتي بنفسي راحت النجاح بقي استحالة

نفسي اهرب من نفسي ومن حالتي ومن عيلتي ومن الدنيا
نفسي القي دنيا تانيه اهرب ليها لو حتي ثانيه

وفي يوم قالهالي صحبي واللي يدلك ع الطريق
ميفيدش الصاحب غير صاحبه اسمع من الصديق

قالي في قعدة ضرب حلوه بليل عاملينها
سالته هاش ضحك قالي بيسه قولتله لممها

قالي متخفش مش ممكن تدمن من اول شكة
اقنعني .. بليل فعلا شكيت بيه اول شكه

مفاصلي ساحت وارتاحت وروحي راحت
بكلم نفسي من جوه وبرغي ومن بره ساكت

همومي شبه تاهت والرؤيه باهت في باهت
كل مشكله كانت عندي في الدنيا ماتت وتاهت

عدت ساعات في ثانيه لقيت الصحبه قايمه
دخلت بيتي وش الفجر عيلتي كانت نايمه

دفنت نفسي تحت البطانيه جسمي متلج
نمت ف اقل من ثانيه نومه واحد متبنج

قطر الحياه بيعدي بسرعه
سنه ف سنه ف سنه
وانا زي ما انا لما كان عندي سنه

هيا هيا الحياه .. هو هو دا انا
زهقت طهقت من الحياه .. تقدر تقول مليت

خلتني كنت رجعت تاني للواقع والعكننه
عدي النهارردا بطئ كانه كام شهر او سنه

نفسي النهار يعدي بسرعه واضرب تاني
هرجع ملك زماني بعيد عن العالم

خلوني اضرب معاهم كل يوم وبتعزم
خلاص دخلت السكه والطريق بيترسم

فاجئني صحبي ف يوم قلهالي في وشي خف تعوم
اجيب فلوس منين ليا وليك نضرب كل يوم

شخشخ جيبك يا من قعدتنا دي تكون محروم
من النهارده مفيش ضرب ببلاش .. مفهوم مفهوم

روهت وتاني يوم في معاد الضرب جسمي اتكهرب
كرابيك في ظهري ومنخيري سايله وبتسرب

عاوز اضرب ومنين اجيب فلوس منين اجيب فلوس
بدات استلف من كل اللي اعرفه وادوس

وحتي اخواتي خدت منهم ياما فلوس دروس
كله كرهني وبيهرب مني لاني بتاع فلوس

خمسين جنيه في خمسين في ميه في ميه
بسرق يوماتي فلوس من البيت وكله شك فيا

نزلت بعت كل حاجه جاتلي في يوم هديه
خلصت فلوس لحد في يوم ماجاتلي فكره هيه

هيا .. دهب امي وموبايل اختي ولاب توب اخويا
سرقتهم نزلت اهرب من البيت وقفني ابويا

حاول يمنعني مسكني من ايدي جامد زقيته
اتخبط في الحيط وبصلي ازاي ابنه واذيته

خد مني كل حاجه وتربس الباب غضب
ساعتها طلبت اغرب حاجه ممكن تطلب

عاوز فلوس حالا يا اما هرتكب جريمه
اتهمني بالجنون واداني كام شتيمه

ببان كل الاوض بتتفتح عيلتي بتتفرج
لسه بيستوعبوا يمكن دا جد يمكن بنهرج

سحبت بنت اختي 3 سنين ناحيه شباك
هاتوا الفلوس لارميها فجاه زاد الارتباك

امي بكت بحرقة قدامي .. فقت لثواني
رمتلي فلوس وبصوت عالي .. مشوفش وشك تاني

امشي ملكش ام يا ابغض من شيطاني
خدت الفلوس وجريت عارف مش راجع بيتي تاني

قطر الحياه بيعدي بسرعه
سنه ف سنه ف سنه
وانا زي ما انا لما كان عندي سنه

هيا هيا الحياه .. هو هو دا انا
زهقت طهقت من الحياه .. تقدر تقول مليت

خسرت كل اهلي وصحابي بقيت وحيد
ومنين هجيب فلوس لازم القي طريق جديد

فجاه افتكرت جار من سني ساكن لوحده طول عمره
ابوه في اعاره بره مصر وشهري فلوس يبعتله

شديته زي ما اتشديت انا لنفس الطريق
لقيت مصدر فلوس جددي وبيته لقيت صديق

نضرب سوي بفلوسه وفي بيته ملناش ظهور
شقا سنين ابوه خلص كله في اربع شهور

وفي ليله بنضرب جاتله مكالمه مصدقهاش
ابوه عرف ان ابنه بيسرقه اتنقل انعاش

كل عصب في جسمي اتوتر .. زودت الجرعه اكتر
الجرعه المعتاده خلاص مبقتش تأثر

شريط حياتي بيتعرض قدامي لخبر فاخبر
ضربت سنجه في عروقي زودته اكتر واكتر

نفسي افني واخلص من الدنيا زي الميه اتبخر
كمان زودت سنه جسمي كله اتلون اصفر

صحبي اتفزع قام واتسرع مالك اصفر ليه يا جدع
جسمك عرقات وبتترعش زي اللي م الحيه اتلدع

رغم اني غرقان م العرق جسمي متلج موجوع وجع
من خضتي جيت اصلب طولي جسمي ع الارض اترزع

جسمي رافض كل امر مني القوه اتهدم ت
والدنيا بتضلم تدريجي وواحده واحده اسودت

اخر لقطه في حياتي شوفتها كانت ماساه
صحبي مرعوب وبيراقب فراقي للحياه

قطر الحياه بيعدي بسرعه
سنه ف سنه ف سنه
وانا زي ما انا لما كان عندي سنه

هيا هيا الحياه .. هو هو دا انا
زهقت طهقت من الحياه .. تقدر تقول مليت انا

عمري بسرعه انتهي رجعت شريط حياتي
ملقتش في حاجه عدله تتذكرلي عملتها

حياتي راحت مني كلها ضيعتها
ندمنان عل كل لحظه غمقي في يوم انا عشتها

يارب اديني فرصه تاني ارجع للحياه
همشي في طريقي صح لحد اخر المنتهي

دي حاجه صعبه فعلا انك تختفي م الدنيا
والناس مبتفتكركش بحاجه حلوه لوجه الله


المصدر: منتديات حبنا - من قسم: كلمات اغانى

;glhj Hykdm hpl] l;n r'v hgpdhm lk hgf,l Hwgi uvfn




شـــاهـــد ايـضـــا:

كلمات اغنية خانات الذكريات اصالة - اجمل اغنية رومانسية

كلمات أغنية غيري رنا سماحة كلمات رومانسة حزينة

كلمات اغنية يا مرايتي إليسا + فيديو اغنية يا مرايتي إليسا, اغنية رومانسية حزينة

كلمات اغنية نسيتها فضل شاكر 2017, كليب اغنية نسيتها فضل شاكر رومانسية رائعة

كلمات اغنية وعهد الله بموت فيكي فضل شاكر كاملة, فيديو وعهد الله بموت فيكي فضل شاكر

كلمات اغنية فـي عيـونـك إليسا, فيديو اغنية فـي عيـونـك إليسا, فـي عيـونـك رومانسية رائعة

كلمات اغنية بشرة خير حسين الجسمي - كليب بشرة خير النسخة الأصلية

كلمات اغنية انغام - اجمل مكان 2017 رومانسية رائعة

كلمات اغنية انا وانت لبعض لدنيا سمير غانم روعة 2017

كلمات اغنية بكلمتين البوم رامي جمال الجديد فترة مش سهلة 2017

كلمات اغنية واحشين بعض البوم رامي جمال الجديد فترة مش سهلة 2017

كلمات اغنية عقده الذنب رامي جمال الجديد فترة مش سهلة 2017

كلمات اغنية ماتعلمناش البوم رامي جمال الجديد فترة مش سهلة 2017

كلمات اغنية سهرنالك عيوني البوم رامي جمال الجديد فترة مش سهلة 2017

كلمات أغنية اتركني بحالي اياد طنوس

كلمات أغنية ويلك جوزيف عطيه

كلمات أغنية سيرك الايام - فوزى عبده

كلمات أغنية هتعرف لـ سامو زين جميلة جدا كاملة وصحيحة

كلمات وكليب وليد توفيق-عيون بهيه

كلمات أغنية الوقت بيسرقنا لـ دنيا سمير غانم

كلمات اغنية نجاه الصغيرة أسألك الرحيل

كلمات اغنية صلاح البحر نزلت دمعتي

كلمات اغنية جت سليمة, رامي جمال جميلة رائعة جدا

كلمات اغنية عمال ييجي عليا, رامي جمال جميلة وكاملة

كلمات اغنية فترة مش سهلة البوم رامي جمال الجديد فترة مش سهلة

كلمات اغنية علي الحجار إزاي تكون انتَ .. من فيلم إسكندرية نيويورك

كلمات اغنية علي الحجار لما الشتا يدق البيبان

كلمات اغنيه ياقلبى لاا- للفنان هانى شاكر -اغنيه حزينه ومؤثره جداا توجع القلب

اغنية بكره تعرف ياحبيبى

فات الميعاد